February 22, 2024d Bukod sa pagpapanatili ng kalinisan sa mga major roads sa ilalim ng Kadena System ng Kalinigan Program ng pamahalaang panlalawigan, sa kasalukuyan ay pinapasok na rin ang mga secondary roads sa buong probinsya upang magsagawa ng katulad, na bahagi naman ng proyekto ng mga lokal na pamahalaan. Ngayong araw, nag-ikot ang grupo sa iba’t-ibang bayan at lungsod upang i-monitor at makiisa sa pagpapatupad ng proyekto ng mga LGUs. #UnaAnSorsoganon

February 20, 2024 Masayang nakilahok ang mga mag-aaral ng Pilar II Central School sa paglilinis at talakayan nang dumako ang grupo ng 7K Kalinigan Program sa bayan ng Pilar nitong ika-19 ng Pebrero, upang magbahagi ng kaalaman tungkol sa kalinisan. Sinimulan nito lamang Pebrero ang 7K Kalinigan Information Caravan na naglalayong magbigay kaalaman sa mga mag-aaral ng Sorsogon para sa pagpapaigting at pagpapanatili ng kalinisan sa buong probinsya sa pamamagitan ng pagpapatupad ng Pitong Utos ng Kalinigan. #UnaAnSorsoganon

February 7, 2024 Nasa mga barangay ng Behia at Biga sa bayan ng Magallanes ang grupo ng 7K Kalinigan Program Team para sa ikalawang linggo ng kanilang week-long activity na paglilinis sa buong lalawigan. Nakatanggap naman ng tig-iisang foodpacks ang nasa 576 indibidwal mula Behia at 299 mula sa Biga na sumali sa paglilinis sa kanilang komunidad. Ang nasabing dalawang barangay ay kabilang sa mga Geographically Isolated and Disadvantaged Areas na target ng programa na makasama sa mga lugar na lilinisan. #UnaAnSorsoganon

February 6, 2024 Simula sa unang linggo na week-long activity ng 7K Kalinigan Program sa pag arangkada ng Kadena System ng programa, ngayong araw, ika-anim ng Pebrero, 2024 ay nasa mga coastal na barangay ng Calintaan at Calayuan kasabay ang Subic Beach, Matnog ang grupo upang magsagawa ng sabayang paglilinis. Bukod sa team ng Kalinigan na regular na magmamantina ng kalinisan sa komunidad, nakatanggap naman ng foodpacks ang nasa 173 residente mula sa Calayuan at 355 sa Calintaan na tumulong at nakiisa sa aktibidad. Samantala, presente rin sa aktibidad ng proyekto ang mga kinatawan ng Sangguniang Panlalawigan mula sa segundo distrito. #UnaAnSorsoganon

July 02, 2023 Malaking pagbabago sa pisikal na aspeto ng lalawigan ang naging bunga ng Kalinigan Program ni Governor Boboy Hamor. Sa loob ng isang taon, saksihan ang mga proyektong naisulong ng programa na nagresulta sa mas malinis at maayos na probinsya ng Sorsogon. More here: https://fb.watch/pnn_x4cX8-/

January 17, 2023 Sa pagbukas ng bagong taon isang daang porsyento ulit ang nakuhang suporta ng mga LGUs at Ciudad mula sa Provincial Government of Sorsogon sa ilalim ng Kalinigan Program. Isang daang porsyentong suporta mag mula sa 60% Financial Assistance sa kabuuang sahod ng Eco-Aides sa loob ng anim na buwan, mga panibagong PPEs, Cleaning Materials at Heavy Equipment na magagamit sa pang araw araw na paglilinis ng mga Eco-Aides. Sa halos anim na buwan na manunungkulan ni Governor Edwin “Boboy” Hamor bilang Gobernador ng lalawigan, malaking epekto na ang nararamdaman ng bawat Sorsogonanon at mga iba pang mga taong bumibisita or napapadaan sa lalawigan ng Sorsogon. Iba’t ibang inisyatiba na din ang mga nagawa sa ilalim ng Kalinigan Program, ang pagbibigay asistensya sa bawat bayan at ciudad kabilang na dito ang suporta sa 4S Strategy kontra Dengue ng DOH, Oplan Undas Clean-up Drive, at Special Clean-up Drive Request ng iba’t ibang paaralan bukod sa pang araw-araw na paglilinis ng mga Eco-Aides sa mga kalye at kalsada sa buong lalawigan. Sa inisyatiba ni Governor Edwin Boboy Hamor kasama ang Sorsogon Provincial Tourism Culture and Arts Office, at kooperasyon ng mga Local Government Units ng Sorsogon, naglalayong magtatag ng proyekto na panatag, may kalidad, at dignidad para sa bawat Sorsoganon.