June 19, 2026 TINGNAN | Patuloy na sinusuri ng Pamahalaang Panlalawigan ng Sorsogon ang mga kalahok sa 7K Champions Program sa pamamagitan ng isinagawang school validation nitong Hunyo 18, 2026 sa mga piling paaralan sa bayan ng Irosin, Sta. Magdalena, at Matnog. Layunin ng validation na tiyakin ang maayos na implementasyon ng programa at masukat ang epekto nito sa mga estudyante at paaralan. Bahagi ito ng patuloy na pagsusulong ng kapitolyo ng mga programang nakatuon sa edukasyon at paghubog ng mga kabataang Sorsoganon tungo sa mas maliwanag na kinabukasan. #UnaAnSORSOGANON

June 17, 2026 TINGNAN: Isinagawa ng mga kinatawan ng Pamahalaang Panlalawigan ng Sorsogon ang school validation para sa 7K Champions noong Hunyo 17, 2026 sa mga piling paaralan sa Casiguran at Sorsogon City. Layunin ng validation na masuri at mapagtibay ang mga programang isinusulong ng mga paaralan tungo sa mas malinis, ligtas, at masiglang kapaligiran para sa mga mag-aaral. #UnaAnSORSOGANON

June 11, 2026 LOOK | Nagpapatuloy sa paglilibot sa mga paaralang kasali para sa validation ng 7K Champions ang team mula sa Kapitolyo ngayong araw, Hunyo 11, 2026 sa bayan ng Magallanes at Bulan, Sorsogon. Nais tingnan ng grupo kung ang naturang mga eskwelahan ay may stable na gulayan sa paaralan, naipatutupad ang kalinisan sa kapaligiran at iba pang aspeto ng patimpalak. #UnaAnSORSOGANON

June 10, 2025 TINGNAN: Malinis na kapaligiran, may masaganang taniman sa buong eskwelahan at disiplinadong mga estudyante ang sumalubong sa mga 7K Champions validator matapos nilang magtungo sa ilang paaralan sa bayan ng Pilar noong Hunyo 10, 2026 upang tingnan at i-validate ang mga eskwelahan bilang kalahok sa patimpalak na 7K Champions. #UnaAnSORSOGANON

June 2, 2026 LOOK | Sa pagpapatuloy ng school validation para sa 7K Champions, ilang paaralan naman sa Juban ang pinuntahan ng grupo ng validators noong Hunyo 2, 2026. Kabilang sa kanilang mga tiningnan ang key areas para sa kalinisan, gulayan, waste management at kagandahan ng mga eskwelahan.

June 2, 2026 TINGNAN: Limang paaralan sa bayan ng Casiguran ang nakasama sa mga nai-validate ng grupo mula sa 7K Champions nitong Hunyo 1, 2026. #UnaAnSORSOGANON

May 28, 2026 LOOK | Isinagawa kahapon, Mayo 28, 2026 ang unang evaluation ng mga kasali na paaralan para sa 7K Champions Program sa Prieto Diaz at Bacon District. Sinuri ng evaluation team ang mga programa ng paaralan kaugnay ng kalinisan, gulayan, waste management, at school beautification bilang bahagi ng pagpili sa mga natatanging kalahok ng 7K Champions sa ilalim ng programang 7K PLUS. #UnaAnSORSOGANON

May 25, 2026 Pormal nang sinimulan ngayong linggo ng Pamahalaang Panlalawigan ng Sorsogon ang 1st Evaluation para sa mga shortlisted schools na kalahok sa 7K Champions Program sa ilalim ng 7K PLUS. Layunin ng programa na kilalanin ang mga paaralang nangunguna sa pagpapanatili ng kalinisan, maayos na kapaligiran, school beautification, at pagpapatupad ng mga programang sumusuporta sa holistic development ng mga mag-aaral. Binubuo ang kompetisyon ng tatlong pangunahing kategorya: Gawad Kalinigan sa Paaralan para sa kalinisan at waste management, Gulayan sa Masaganang Paaralan para sa pagpapaunlad ng school gardens at food sustainability, at Bida Kagandahan sa Paaralan na nakatuon sa beautification at child-friendly learning environment. Naging bahagi ng unang evaluation ang mga paaralan sa Sorsogon West noong Mayo 25, Castilla noong Mayo 26, at nakatakda naman sa Mayo 28 ang Bacon District at Prieto Diaz. Ayon sa pamahalaang panlalawigan, dalawang evaluation ang isasagawa bago ang awarding ceremony sa Oktubre. Ang unang assessment ay ngayong Mayo hanggang Hunyo habang ang ikalawang evaluation ay gagawin sa Agosto hanggang Setyembre upang matiyak ang tuloy-tuloy na pagpapanatili ng mga programa sa mga paaralan. #UnaAnSORSOGANON

February 22, 2024 Bukod sa pagpapanatili ng kalinisan sa mga major roads sa ilalim ng Kadena System ng Kalinigan Program ng pamahalaang panlalawigan, sa kasalukuyan ay pinapasok na rin ang mga secondary roads sa buong probinsya upang magsagawa ng katulad, na bahagi naman ng proyekto ng mga lokal na pamahalaan. Ngayong araw, nag-ikot ang grupo sa iba’t-ibang bayan at lungsod upang i-monitor at makiisa sa pagpapatupad ng proyekto ng mga LGUs. #UnaAnSorsoganon