March 23, 2024 Sa unang pagkakataon, nabisita ngayong araw ng Kalusugan Program GIDA team ang barangay ng Sua sa bayan ng Matnog upang maghatid ng libreng serbisyong medikal katulad ng libreng check-up sa mga may karamdaman, pamamahagi ng mga gamot at dental kabilang na ang pag fluoride sa mga bata. #UnaAnSorsoganon

Marhc 22, 2024 Umaarangkada ang 7K Kalusugan team sa paghahandog ng serbisyong medikal at dental sa mga lokal na mamamayan ng Sorsogon. Nitong linggo, ilang baranggay sa mga bayan ng Prieto-Diaz, Bulan at Gubat ang binisita ng Doctors to the Household, Rolling Clinic and Pharmacy at Smile Sorsogon. #UnaAnSorsoganon

March 19, 2024 Mula sa regular na pagbisita sa mga isla, ngayon ay patuloy na nagsiserbisyo ang 7K Kalusugan Program sa mga malalayong barangay sa lalawigan sa proyekto nitong GIDA KA. Ngayong araw, ika-18 ng Marso, ang team ay nagtungo sa barangay ng Tula-Tula at Lapinig sa bayan ng Magallanes. Libreng konsultasyon, pamimigay ng gamot at pagbisita sa mga bedridden na pasyente ang ginawa ng grupo. #UnaAnSorsoganon

March 9, 2024 Mas pinapalawak ng 7K Kalusugan Program ang pagsiserbisyo sa bawat Sorsoganon sa paghahatid nito ng libreng konsultasyon sa mga pasyente at bedridden, gayundin pagbibigay ng libreng gamot sa pamamagitan ng proyektong Doctors to the Household and Rolling Clinic and Pharmacy at GIDA Ka, na silang nag-iikot sa bawat barangay sa lalawigan. Bukod sa DTH at GIDA, libreng pagbubunot ng ngipin at flouride naman ang hatid ng SMILE Sorsogon project. #UnaAnSorsoganon

February 26, 2024 Tuloy-tuloy ang paghahatid ng serbisyo medikal ng programang Kalusugan GIDA Ka sa pagbisita nito ngayong araw sa barangay Sablayan, Juban. Naserbisyuhan nito ang nasa 78 na pasyente sa nasabing islang barangay kasabay ang pagbibigay ng libreng konsultasyon at mga gamot. #UnaAnSorsoganon

February 19, 2024 Ngayong Lunes, hindi nagpatalo sa hampas ng malalakas na alon ang grupo ng 7K Kalusugan GIDA para lamang muling marating ang barangay ng Calayuan sa bayan ng Matnog. Muling nag-ikot ang team sa bawat bahay ng mga bedridden patients upang i-check ang kalagayan ng mga ito, gayundin magsagawa ng libreng konsultasyon at pamimigay ng mga gamot sa mga residenteng nangangailangan. #UnaAnSorsoganon

February 15, 2024 Sa gitna ng maulang panahon, hindi napigilan sa paghatid ng serbisyong medikal ang Kalusugan Program. Para sa Doctors to the Household and Rolling Clinic and Pharmacy, binisita nito ngayong araw ang mga barangay ng Mayon, San Roque, Libtong gayundin ang barangay ng Bagong Sirang sa Castilla kung saan naging benepisyaryo ng libreng Dental services ang huli. #UnaAnSorsoganon

February 14, 2024 Ngayong araw, ika-14 ng Pebrero, 2024, isang taon matapos opisyal na ilunsad ang pagsisimula ng roll-out ng 7K Kalusugan Program. Sa unang anibersaryo ng programa, patuloy pa rin itong naghahatid ng libreng serbisyong medikal sa bawat sulok at lugar sa buong probinsya. Ang mga barangay ng Banogao, Lajong, Bariis at Sulangan sa munisipyo ng Matnog ang binisita ngayon ng grupong Kalusugan para sa kanilang Doctors to the Household and Rolling Clinic and Pharmacy gayunman ang Banagao ay nabenepisyuhan naman ng proyektong libreng dental. #UnaAnSorsoganon

February 12, 2024 Pinatunayan ng 7K Kalusugan GIDA Na team, na walang sulok ng barangay ang maaaring malampasan dahil ngayong araw, ang Purok 4 ng barangay Sablayan sa bayan ng Juban ang pinuntahan ng grupo upang masuri ang kalagayang pangkalusugan ng mga residente rito. Libreng check-up at gamot sa rolling clinic and pharmacy at bahay-bahay na pagdalaw sa mga bedridden patients ang kanilang ginawa na nagdulot ng malaking kaginhawaan sa mga nakabenipisyo sa naturang serbisyo. #UnaAnSorsoganon