7K KALIKASAN UPDATE
March 31, 2026 TINGNAN: Namahagi noong Marso 31, 2026, ang Pamahalaang Panlalawigan ng Sorsogon sa pamamagitan ng Office of the Provincial Agriculturist (OPAg) ng kabuuang 1,800 punla ng niyog sa mga magsasaka sa Sorsogon City at Juban. Sa mga barangay ng Balete, San Isidro, Marinas, at Abuyog sa Sorsogon City, umabot sa 1,350 punla ang ipinagkaloob sa 24 na coconut farmers. Samantala, 450 punla naman ang naipamahagi sa apat na magsasaka sa mga barangay ng Catanagan, Binanuahan, at Cogon sa Juban kung saan ang nabanggit na mga bayan ay may mga naindorso at kwalipikadong magsasaka na may nakahandang taniman. Ang mga punlang ipinamigay ay nagmula sa nursery sa Brgy. Inlagadian, Casiguran na pinangangasiwaan ng Provincial Environment and Natural Resources Office /7K Kalikasan Program. Layunin ng programang ito na higit pang mapalakas ang produksyon ng niyog sa lalawigan, matulungan ang mga magsasaka sa pagpapalago ng kanilang kabuhayan, at mapabuti ang kabuuang sektor ng agrikultura sa Sorsogon. #UnaAnSORSOGANON
7K KALIKASAN UPDATE Read More »




