January 22, 2025 TINGNAN: Sa patuloy na pagsisikap para mapabuti ang serbisyo-publiko, personal na ininspeksyon ni Governor Boboy Hamor ang mga opisina ng Kapitolyo upang kumustahin ang kalagayan ng mga empleyado at tiyakin ang maayos na operasyon sa bawat departamento. Ang ganitong surprise visit ay nagdudulot ng mas positibong epekto sa mga empleyado—nagpapalakas ng kanilang morale, nagpapakita ng malasakit ng liderato at nagbibigay ng inspirasyon para magpatuloy sa tapat at masigasig na pagtatrabaho para sa kapakanan ng publiko. #UnaAnSORSOGANON #GoodGovernance

January 20, 2025 LOOK: The Provincial Government of Sorsogon, in collaboration with the Department of Education and local government units, officially welcomed the newest batch of 150 A-One Youth freshmen today, January 20, 2025, at the Sorsogon Provincial Gymnasium. #AOneYouthProgram #UnaAnSorsoganon

January 17, 2025 Pinangunahan ngayong araw nina Governor Boboy Hamor at 2nd District Congressman Wowo Fortes ang makasaysayang ceremonial groundbreaking ng itatayong Sorsogon 2nd District Provincial Hospital sa Barangay Buenavista, Irosin, Sorsogon. Ang proyektong ito, na may target na simulan ang konstruksyon sa susunod na buwan, ay naglalayong magkaroon ng 250-bed capacity na ospital na kumpleto sa makabago at de-kalidad na mga pasilidad at kagamitan. Layon ng bagong ospital na maibsan ang pagsisiksikan sa Sorsogon Provincial Hospital, dahil dito na maaaring magpagamot ang mga pasyente mula sa mga karatig-bayan ng Bulan, Sta. Magdalena, Matnog, Bulusan, at Juban. Ayon kay Governor Boboy Hamor, ito ay isang patunay na walang imposibleng maabot kung pinagsama ang kanyang matibay na hangarin at ang pag-pursige ni Congressman Wowo Fortes para sa ikauunlad ng lalawigan. “Ang proyektong ito ay hindi lamang simbolo ng progreso kundi ng tunay na malasakit sa ating mga kababayan. Ang hangarin natin ay masigurong may sapat at abot-kayang serbisyong pangkalusugan para sa bawat Sorsoganon,” ani ni Governor Hamor sa kanyang talumpati. Kasama rin sa seremonya sina Vice Governor Jun Escudero, mga miyembro ng Sangguniang Panlalawigan, lokal at barangay na opisyal ng Irosin, pati na rin ang mga kinatawan mula sa Department of Health (DOH) at Department of Public Works and Highways (DPWH). Dumalo rin ang iba’t ibang pinuno ng tanggapan ng Pamahalaang Panlalawigan bilang suporta sa proyekto. Binanggit din ni Congressman Fortes na ang proyektong ito ay isa lamang sa mga pangunahing hakbang upang maisulong ang mas mataas na kalidad ng serbisyong pangkalusugan sa ikalawang distrito ng Sorsogon. “Hindi ito ang wakas kundi simula pa lamang ng ating mga plano upang dalhin ang mas maayos na kinabukasan para sa ating mga kababayan,” ani Fortes. Inaasahang ang bagong ospital ay magiging isang modernong pasilidad na may kakayahang tugunan ang iba’t ibang kaso, mula sa pangkalahatang check-up hanggang sa mas seryosong paggamot. Higit pa rito, magsisilbi rin itong lugar ng pag-asa para sa mga residente ng lalawigan na nangangailangan ng serbisyong medikal na mas malapit at mas accessible. Sa pagtatapos ng seremonya, pinasalamatan ni Governor Hamor ang lahat ng mga ahensya at indibidwal na tumulong upang maisakatuparan ang proyektong ito. Aniya, ang proyekto ay isa lamang sa marami pang nakaplanong inisyatibo ng pamahalaang panlalawigan para sa kapakanan ng mga Sorsoganon. #UnaAnSorsoganon

January 6, 2024 Tulad ng taunang nakagawian, muling pinulong ni Governor Boboy Hamor ang mga permanente at job order workers ng Kapitolyo para sa “PAGTIRIPON 2025.” Ang nasabing pagpupulong ay may temang “Sarong Direksyon, Sarong Aksyon,” primera klaseng serbisyo para sa padagos na kaayadan kan Sorsogon. Dito, nagpahayag ng pasasalamat ang Goberdanor sa mga empleyado ng Pamahalaang Panlalawigan sa ipinakita nitong kooperasyon upang maisakatuparan ang mga proyekto’t programa na isinusulong ng administrasyon partikular ang 7K Program. Dagdag pa, muling hiniling ni Governor Hamor sa lahat na patuloy siyang suportahan higit na ngayong 2025, kung saan mas pinalawak nito ang kanyang programa na tatawaging 7K PLUS Program. Kasabay nito, ipinakilala rin ang mga bagong project manager ng programa kung saan si Julius Edma ang bagong talaga sa Kagandahan Program, Thess Destura sa Kabuhayan Program, habang mananatili sina Dong Mendoza sa Kalusugan, Art Balmadrid sa Kadunungan, Beth Fruto sa Kalikasan, Eric Ravanilla sa Katrangkiluhan at Elsie Toca sa Kalinigan Program habang sinAtty. Cesar Balmaceda naman ang bagong overall program manager ng 7K. #UnaAnSorsoganon