June 25, 2026 LOOK | Governor Boboy Hamor warmly welcomed LandBank President and CEO Lynette V. Ortiz to the Sorsogon Provincial Capitol for the signing of the Memorandum of Agreement on the Provincial Government’s Link.BizPortal enrollment. The partnership marks another milestone in modernizing government services by enabling secure and convenient online financial transactions. An ATM machine was also installed inside the Capitol, providing easier banking access for employees and the public. #UnaAnSORSOGANON

June 24, 2026 Bilang bahagi ng patuloy na pagsusulong ng food security at dagdag kabuhayan sa komunidad, isinagawa ng Pamahalaang Panlalawigan ng Sorsogon sa pangunguna ng Office of the Provincial Agriculturist ang orientation para sa PUNLA Project sa NGC Function Hall ngayong araw, June 24, 2026. Ang pagpupulong ay dinaluhan ng mga Municipal/City Agriculturist sa buong lalawigan, at ilang mga personahe mula sa 7K Kalikasan at 7K Kalinigan Program. Layunin ng programa na mabigyan ng mga punla ng gulay ang mga kwalipikadong benepisyaryo sa buong lalawigan, na may target na 4,000 kabahayan para sa unang implementasyon nito. Kabilang sa mga pamantayan sa pagpili ng benepisyaryo ang pagiging handang magtanim at mag-alaga ng mga gulay tulad ng talong, kamatis, sitaw, sili, at okra; pagkakaroon ng 10 hanggang 200 square meters lupang maaaring gawing gulayan; at pagkakaroon ng sapat na mapagkukunan ng tubig para sa patubig. Sa pamamagitan ng PUNLA Project, inaasahang higit pang mahihikayat ang pamilyang. Sorsoganon na magkaroon ng sariling taniman at makatulong sa pagpapalakas ng seguridad sa pagkain sa bawat komunidad. #UnaAnSORSOGANON

June 23, 2026 Matapos ang buong araw na pag-iikot sa mga barangay ng Donsol para sa Kalusugan Rollout, nagtapos ang araw ni Governor Boboy Hamor sa pagbisita sa Donsol District Hospital upang personal na kumustahin ang kalagayan ng pasilidad at mga serbisyong pangkalusugan para sa mga Donsolanon. #UnaAnSORSOGANON

June 23, 2026 Anim na Barangay, Sinuyod ng Kalusugan Program sa Donsol Muling inilapit ng Pamahalaang Panlalawigan ng Sorsogon ang serbisyong pangkalusugan sa mga residente ng Donsol sa isinagawang Kalusugan Program ngayong araw. Personal na naglibot si Governor Boboy Hamor sa anim na barangay na naging sentro ng rollout, Ogod, Bayawas at Gura sa umaga, at Sevilla, San Antonio at Cristo sa hapon, upang tiyakin na naihahatid ang libreng medicall, dental at laboratory services sa mga Donsolanon. Patuloy ang Kalusugan Program sa layuning mailapit ang dekalidad na serbisyong pangkalusugan sa bawat sulok ng lalawigan. #UnaAnSorsoganon

July 16, 2026 Official and representatives from the Civil Aviation Authority of the Philippines (CAAP) paid a courtesy visit to Governor Boboy Hamor today as part of their inspection of the ongoing civil works at the Sorsogon City Domestic Airport. The visit highlights the continued coordination between the Provincial Government, DOTR and the CAAP in advancing the airport project, which is expected to enhance connectivity, economic growth, and open new opportunities for the Province of Sorsogon. #UnaAnSorsoganon

June 11, 2026 TINGNAN | Pinangunahan ni Governor Boboy Hamor ang briefing kasama ang mga kinatawan ng Provincial Engineers Office at Provincial Health Office para talakayin ang comprehensive master plan ng Sorsogon Provincial Hospital (SPH). Layunin ng master plan na gabayan ang pangmatagalang expansion at modernization ng mga pasilidad at medical services ng SPH upang mas matugunan ang lumalaking pangangailangan ng mga Sorsoganon. Napapanahon ayon kay Governor Boboy ang pagpaplano kasunod ng nakaambang paglalagay ng MRI machine at pagpapalawak ng dialysis services na inatasan ng gobernador bilang bahagi ng patuloy na pagpapalakas ng healthcare system sa lalawigan. #UnaAnSorsoganon

June 9, 2026 TINGNAN | Nakiisa ngayong umaga si 1st District Congresswoman Dette Escudero kay Governor Boboy Hamor sa isang roundtable discussion kaugnay ng paghahanda ng Lalawigan ng Sorsogon bilang host ng Palarong Bicol 2027 na gaganapin sa February 20–27, 2027. Tiniyak ni Cong. Dette ang kanyang buong suporta at pakikipagtulungan upang maging matagumpay ang pagho-host ng lalawigan sa pinakamalaking panrehiyong palaro sa Bicol. #UnaAnSorsoganon

June 9, 2026 TINGNAN | Mainit na pagtanggap at masayang pakikipagkamustahan ang sumalubong kay Governor Boboy Hamor sa kanyang pagbisita sa mga barangay ng Panlayaan, Buenavista, at Pangpang sa West District ng Sorsogon City ngayong araw. Personal na kinumusta ng gobernador ang mga residente na nakinabang sa libreng serbisyong medical, dental, at x-ray sa ilalim ng 7K Kalusugan Program. Kitang-kita rin ang kanyang kasiyahan at sigla sa dami ng mga residenteng patuloy na nagtitiwala at sumusuporta sa programang naglalayong ilapit ang serbisyong pangkalusugan sa bawat Sorsoganon. Taos puso ring nagpasalamat si Governor Boboy Hamor sa mga opisyal ng barangay ng Panlayaan, Buenavista, at Pangpang sa kanilang buong pusong pakikiisa at suporta upang maging matagumpay ang programa. #UnaAnSorsoganon

June 8, 2026 TINGNAN: Personal na pinangunahan ni Governor Edwin “Boboy” Hamor ang turnover ng Enhanced Barangay Household Inventory and Directory Assessment (EBHIDA) Book sa Pamahalaang Bayan ng Bulusan noong Lunes, Hunyo 8, 2026. Tinanggap ng 24 na Punong Barangay ng bayan ang kani-kanilang EBHIDA Book na magsisilbing mahalagang sanggunian sa pagbuo ng mga programa, proyekto, at serbisyong nakabatay sa aktwal na datos ng mga mamamayan sa kanilang komunidad. Layunin ng EBHIDA na palakasin ang data-driven governance sa mga barangay sa pamamagitan ng pagkakaroon ng mas organisado at komprehensibong talaan ng mga kabahayan at residente. Sa tulong nito, mas magiging epektibo ang pagpaplano at paghahatid ng mga serbisyong pampubliko para sa bawat Sorsoganon. Samantala, presente rin sa naturang aktibidad sina Vice Governor Jun Escudero kasama ang ilang myembro ng Saangguniang Panlalawigan, Bulusan Municipal Mayor Weng Rafallo, Vice Mayor Mike Guysayko, Provincial Administrator at Katrangkiluhan Program Manager Franco Eric Ravanilla at ilan pang lokal na opisyal. #UnaAnSORSOGANON

June 8, 2026 Kasabay ng pormal na pagbubukas ng klase para sa School Year 2026–2027, nagsagawa ang Pamahalaang Panlalawigan ng Sorsogon ng sabayang pamamahagi ng mga kagamitang pang-eskwela sa iba’t ibang paaralan sa buong lalawigan upang matiyak na handa ang mga mag-aaral sa kanilang pagbabalik sa silid aralan. Pinangunahan ni Governor Boboy Hamor ang distribution ng mga school supplies sa ilang paaralan na kanyang personal na binisita sa unang araw ng klase kasabay ng pag-iikot din ng mga empleyado ng kapitolyo upang mamahagi ng mga gamit. Kabilang sa mga ipinamahaging kagamitan ang mga notebook, school bag, school cap, payong, at iba pang mahahalagang gamit na kailangan ng mga mag aaral mula elementary hanggang high school. Ayon sa gobernador, layunin ng programa na mabawasan ang gastusin ng mga magulang sa pagbubukas ng klase at masiguro na walang batang mahuhuli sa pag-aaral dahil sa kakulangan ng mga pangunahing kagamitan sa paaralan. Ang pamamahagi ng school supplies ay bahagi ng 7K Kadunungan Program, isa sa mga pangunahing programa ng administrasyon ni Governor Boboy na nakatuon sa pagpapalawak ng access sa edukasyon at pagbibigay ng suporta sa mga mag-aaral sa buong lalawigan. Isinasagawa rin ito sa pakikipagtulungan ng mga lokal na pamahalaan ng mga bayan at lungsod sa Sorsogon upang mas maraming kabataan ang mabigyan ng benepisyo. #UnaAnSorsoganon