March 31, 2026 Isinagawa ngayong araw, Marso 31, 2026, ang ikalawang Stakeholders Meeting bilang paghahanda sa implementasyon ng Beyond K-12 Educational Assistance Program sa ilalim ng 7K Kadunungan Program ng Pamahalaang Panlalawigan ng Sorsogon. Ang pagpupulong ay personal na pinangunahan ni Governor Boboy Hamor kasama ang Sangguniaang Panlalawigan members, Kadunungan Project Manager na si G. Arthur Balmadrid, technical team at mga kinatawan mula sa iba’t ibang paaralan—community colleges, universities, at private institutions—mga magiging partner Higher Education Institutions (HEI) ng Kapitolyo. Sa naturang meeting, ibinahagi ni Ms.Sha Gacosta, Program Secretariat ang implementation guidelines ng programa na naglalayong tugunan ang mga hamon ng kabataan—lalo na ang kakulangan sa pinansyal—na nagiging hadlang ng mga Kabataang Sorsoganon sa kanilang pagpasok at pagtatapos sa kolehiyo. Sa pamaamgitan ng ordinansa na ipapasa ng Sangguniang Panlalawigan, sa ilalim ng programa ay sasagutin ng Pamahalaang Panlalawigan ang 60% na gastusin ng estudyante kung saan saklaw nito ang tuition fees, miscellaneous at other fixed fees na required ng mga private HEI habang sa mga community colleges naman na may free tuition ay magbibigay ng weekly stipend para sa food at transportation allowance na aabot sa 1,000 piso per week. Dagdag pa, sinabi rin ni Governor Hamor na isasama ang GMRC at counseling upang hubugin ang mga mag-aaral na maging tapat, mapagkumbaba, at maasikasong Sorsoganon. Inaasahang magsisimula ang programang ito para sa mga incoming college students ngayong darating na pasukan. Isang hakbang na isusulong tungo sa mas maraming oportunidad at mas maliwanag na kinabukasan para sa kabataang Sorsoganon. #UnaAnSORSOGANON

March 24, 2026 Narating ng “Masustansyang Hataw sa Tag-Araw ng Mobile Kitchen” ang mga kabataan sa Matnog, Sorsogon sa pamamagitan ng isang one-day feeding activity sa ilalim ng Kadunungan Program, katuwang ang Provincial Nutrition Council ngayong araw, Marso 24, 2026. Bukod sa masustansyang pagkain, nabigyan din ng hygiene supplies ang hindi bababa sa 150 batang benepisyaryo upang higit pang mapangalagaan ang kanilang kalusugan lalo na ngayong tag-init. #UnaAnSORSOGANON

March 19, 2026 TINGNAN: Matapos ang naunang pulong para sa pagpapatuloy ng kampanyang Beyond K12: Kabataang Sorsoganon, Padagos sa Kolehiyo, muling nagpatawag ng pagpupulong si Gov. Boboy Hamor ngayong umaga—sa pagkakataong ito ay kasama ang mga kinatawan mula sa ilang pamunuan ng public, private, at community colleges sa lalawigan. Layunin ng pulong na pagtibayin ang suporta ng mga institusyon para sa programa sa pamamagitan ng 7K Kadunungan, lalo na sa planong direktang ipasok ng Pamahalaang Panlalawigan ang educational assistance sa mga paaralan. Sa ganitong paraan, masisiguro na ang mga incoming college students ay magkakaroon ng tuloy-tuloy na suporta hanggang sa kanilang pagtatapos sa kolehiyo. #UnaAnSORSOGANON